• Басты бет
• Ресми хабарлама

Жария оферта
2025 жылдың 08 мамырынан бастап жарамды..
«Technodom Operator» (Технодом Оператор) акционерлік қоғамы төменде шарт талаптары мен оларды айқындау тәртібі бар жария шартты жасауды ұсынады:

БӨЛШЕК САТЫП АЛУ-САТУ ШАРТЫ

Осы бөлшек сату-сатып алу шарты мен оның ажырамас бөліктерінің барлығы, соның ішінде, қосымшалар, саясаттар, ережелер, толықтырулар, мәлімдемелер мен келісімдер (бұдан әрі – «Шарт») «Technodom Operator» (Технодом Оператор) АҚ-ның (бұдан әрі – «Сатушы») ресми ұсынысы (жария Оферта) болады және оның маңызды шарттарынан тұрады.

Сайтта немесе мобильді қосымшада/дүкенде ұсынылған немесе байланыс орталығына жазбаша өтініш және/немесе телекоммуникациялық байланыс арқылы алынған Тауарлар/ Бағасы түскен тауарлар/ Электрондық сыйлық карталары туралы ақпаратпен бірге берілетін Оферта Қазақстан Республикасы Азаматтық кодексінің 387, 389, 446, 447, 449-баптарымен (бұл баптармен ғана шектеліп қалмай) жария Шарт болып саналады.

Қазақстан Республикасының Азаматтық кодексінің 396-бабының 3-тармағына сәйкес, Тауарды / Бағасы төмендетілген тауарды / Сыйлық карталарын / Электрондық сыйлық карталарын / Қызметті төлеу фактісі, төлем әдісіне қарамастан, осы Офертаның акцепті болып табылады және Шарттың 6.1-тармағында көзделген Тапсырысты тоқтату жағдайларын қоспағанда, Офертаның шарттарын қабылдау болып есептеледі. Аталған Офертаны акцептеген тұлға осы Шарттың Тарабына айналады. Қазақстан Республикасының Азаматтық кодексінің 397-бабының 2-тармағына сәйкес, Офертаны акцептеу – төменде баяндалған, Шарттың ажырамас бөліктері болып табылатын шарттарда Шарт жасасуға тең және Шарттың барлық ажырамас бөліктерін қоса алғанда, оның мазмұнымен тиісінше танысып, мазмұнын дұрыс түсінгенін және оны өзгеріссіз, алып тастаусыз, толық көлемде қабылдағанын растайды.

1. Түсініктер мен анықтамалар

1.1. «Сатып алушы» – Тауарды Сайтта, Мобильді қосымшада, Дүкенде және/немесе Байланыс орталығына жазбаша немесе ауызша өтініш жасау арқылы сатып алатын жеке тұлға, оның ішінде жеке кәсіпкер немесе заңды тұлға. Тараптар мынаған келісті:

1.1.1. «Жеке тұлға» – Қазақстан Республикасының аумағында заңнамада белгіленген тәртіппен тіркелген Қазақстан Республикасының азаматы, сондай-ақ, басқа мемлекеттердің азаматы және азаматтығы жоқ адам, оның ішінде Қазақстан Республикасының («ҚР») аумағында заңда белгіленген тәртіппен тіркелген жеке кәсіпкер;

1.1.2. «Заңды тұлға» – меншік, шаруашылық жүргізу немесе жедел басқару құқығында оқшауланған мүлкі бар және осы мүлікпен өз міндеттемелері бойынша жауап беретін ұйым өз атынан мүліктік, жеке мүліктік емес құқықтар мен міндеттерді иеленіп, жүзеге асыра алады,

1.2. «Сатушы» – «Technodom Operator» (Технодом Оператор) АҚ, заңды тұлға, Қазақстан Республикасының заңнамасына сәйкес А05Е8М6, Қазақстан Республикасы, Алматы қ., Алмалы ауданы, Құрманғазы көшесі 178А үй мекенжайы бойынша тіркелген, БСН 121140008045

1.3. «Тапсырыс» – Сатып алушының Сатып алушы көрсеткен мекенжайға жеткізумен немесе Дүкен/ТБП мекенжайынан өзіндік жеткізу («сатып алушының өзінің алып кетуі») шарттарымен Тауарларды/Қызметтерді сатып алуға тиісті түрде рәсімделген өтініші. Сатып алушы белгілеген және Сатып алушы өз бетінше Сайтта, Мобильді қосымшада, телефон арқылы Оператордан, WhatsApp/Telegram мессенджері арқылы, кез келген басқа жолмен немесе Дүкенде Тауарды тапсырыс жасай алады.

1.4. «Интернет-дүкен / Сайт» – www.technodom.kz домендік атауымен интернет желісінде орналастырылған, Тауарларды / Бағасы төмендетілген тауарларды / Сыйлық карталарын / Электрондық сыйлық карталарын / Қызметтерді Сатып алушыларға сатуға арналған ақпараттық жүйе.

1.5. «Мобильді қосымша» – смартфондарда, планшеттерде және өзге де мобильді құрылғыларда жұмыс істеуге арналған, нақты бір платформаға (iOS, Android, WindowsPhone және т.б.) бейімделіп әзірленген, Google Play Store, App Store сервистерінде Сатып алушылар жүктеп алып, орната алатын «Technodom» атауындағы бағдарламалық қамтамасыз ету, ол Тауарларды / Бағасы төмендетілген тауарларды / Сыйлық карталарын / Электрондық сыйлық карталарын / Қызметтерді Сатып алушыларға сатуға арналған.

1.6. «ТБП» – «Technodom.kz» сауда белгісімен жұмыс істейтін, тапсырыстарды беретін пункттер.

1.7. «Дүкен» – қабылдау пунктін қоса алғанда, «Technodom.kz» сауда белгісімен және ТБП-мен жұмыс істейтін Сатушының стационарлық сауда объектілері.

1.8. «Байланыс орталығы/Оператор» – Сатушының бөлімшесі, ол мыналарды жасайды:
- callcenter@technodom.kz электрондық поштасына хабарламаларды және Сатушы бекіткен кез келген байланыс арналары арқылы алынған видеоқоңырауларды өңдеу;
- Тапсырыстарды қабылдау және өңдеу, Тауарларды / Бағасы төмендетілген тауарларды / Сыйлық карталарын / Электрондық сыйлық карталарын / Қызметтерді сатуды ұйымдастыру;
- Сатып алушылардың талаптарын қабылдау

1.9. «Тауар» – Сатушы сатып алушыға Сайтта/Мобильді қосымшада/Дүкенде белгілі бір бағамен сатуға ұсынған, каталогта таңдау арқылы тапсырысты рәсімдеу сәтінде сатушыда бар ассортименттегі және/немесе жиынтықтағы (жиынтықтағы) электр тұрмыстық техникасы және кез келген басқа тауар.

1.10. «Каталог» – Сайттың / Мобильді қосымшаның тиісті бөлімінде не Дүкенде орналастырылған, Сатушы және/немесе Серіктес/Серіктестер Сатып алушыға сатуға ұсынатын Тауарлардың / Бағасы төмендетілген тауарлардың / Сыйлық карталарының / Электрондық сыйлық карталарының / Қызметтердің тізімі, сондай-ақ аталған Тауарлардың, Бағасы төмендетілген тауарлардың, Сыйлық карталары мен Қызметтердің ассортименті мен тиісті бағалары көрсетілген ақпарат.

1. 11. «Жинақ» – Сатушы Тауарлар жиынтығы ретінде анықтаған кез келген Тауарлар жиынтығы.

1.12. «Курьер» – Сатушының және/немесе Сатушымен үлестес тұлғаның, Сатушы тиісті қызмет көрсету шартын жасасқан басқа үшінші тұлғалардың жеткізу қызметінің қызметкері/өкілі.

1.13. «Электрондық POS-терминал» – төлем карталары арқылы төлемдерді қабылдауға арналған жабдық (құрылғы).

1.14. «QR –код» – бейне мен кескін құрылғылары оқитын және қажетті ақпаратқа, соның ішінде төлем үшін жедел қол жеткізуді қамтамасыз ететін екі өлшемді штрих-код.

1.15. «Online төлем» – Тапсырыс беру кезінде интернет желісі арқылы, оның ішінде тікелей интернет-эквайринг жүйесі арқылы банк картасын, QR-кодын, Банктің мобильді қосымшасын пайдалана отырып, Тауарлардың / Бағасы төмендетілген тауарлардың / Сыйлық карталарының / Электрондық сыйлық карталарының / Қызметтердің ақысын төлеу бойынша ақшалай міндеттемені орындау.

1.16. «Акция» – Сайтта және/немесе мобильді қосымшада орналастырылатын шарттар мен ережелер бойынша Сатушы жүргізетін және/немесе дүкенде сатып алушының назарына не сатушыға қолжетімді өзге де тәсілмен жеткізілген тауарды/қызметті сатуды ынталандыратын барлық және кез келген жарнамалық-маркетингтік іс-шаралар.

1.17. «Тапсырыс беру» – Сатып алушының каталогта Тауарды / Бағасы төмендетілген тауарларды / Сыйлық карталарын / Электрондық сыйлық карталарын / Қызметтерді таңдау бойынша барлық іс-қимылдарды, жеткізу орны мен тәсілін, тауарға ақы төлеу тәсілін жасауы, алушыны көрсетуі, осы Шарттың 4- тарауында көрсетілген тәртіппен жеке кабинетте тіркелуі. Тапсырысты рәсімдеу рәсімінің аяқталу сәті немесе тапсырысты рәсімдеу фактісі, сатып алушының тапсырысты SMS/QR-код, электрондық хат немесе оператордың тапсырыстың бірегей нөмірін көрсете отырып, ауызша/жазбаша растауы түрінде қабылдағаны туралы сатушының алған растамасы танылады. Сатып алушының тапсырысты рәсімдеуі жария оферта сатып алушының акцепті және сатып алушының осы Шарттың талаптарымен келісімі деп танылады.

1.18. «Жеке кабинет» – Сатып алушы және/немесе Алушы туралы ақпарат беру арқылы авторизациядан кейін қолжетімді сатып алушының жеке парағы және осы ақпаратты сатушыға сатушы Сайтта/Мобильді қосымшада көрсеткен тәсілдермен немесе Операторға ақпаратты ауызша/жазбаша хабарлау жолымен жіберу.

1.19. «Несие/Төлем ұйымы» – заңды тұлға, оған Банктер, Микроқаржы ұйымдары және басқа да субъектілер кіреді (бірақ олармен шектелмейді), олар Сатып алушыға Тауарларды / Бағасы төмендетілген тауарларды / Сыйлық карталарын / Электрондық сыйлық карталарын / Қызметтерді несиеге сатып алу мүмкіндігін Сатып алушы мен Несие/Төлем ұйымы арасындағы шарттың/шарттардың талаптары мен тәртібіне сәйкес ұсынады.

1.20. «Алушы» – Сатып алушы Тапсырыс беру кезінде көрсеткен және осы Шартта көзделген құқықтар мен міндеттерді жүзеге асыру үшін қажетті әрекеттерді орындау үшін Сатып алушының тиісті түрде уәкілетті өкілі болып табылатын жеке тұлға немесе заңды тұлғаның өкілі.

1.21. «Қызмет көрсету» – тұтынушылардың қажеттіліктерін қанағаттандыруға бағытталған қызмет түрі, оның нәтижелері материалдық сипатқа ие емес. Оған, соның ішінде, Тауарды жеткізу/орнату, ESD лицензияларын беру/орнату/бағдарлау, сондай-ақ «Техносервис» бағдарламасы аясында көрсетілетін, бірақ олармен шектелмейтін қызметтер жатады.

1.22. «СО» – авторизацияланған сервис орталықтары, олар тауарларды/ Бағасы төмендетілген тауарларды орнату, пайдалану және тазалау мәселелері бойынша кеңес беру, диагностика жүргізу, жөндеу және сервистік қызмет көрсету жұмыстарын жүзеге асырады, бірақ аталған қызметтермен шектелмейді.

1.23. «Серіктес» – жеке немесе заңды тұлғалар, резиденттер немесе резидент еместер, олардың қатарына, бірақ олармен шектелмей, Несие/Төлем ұйымдары, Курьерлік қызмет жатады. Серіктестердің қатысуымен Сатушы өз қызметтерін көрсетеді, сондай-ақ өз тауарларын/қызметтерін, соның ішінде несиеге, сондай-ақ Тауарларды/ Бағасы төмендетілген тауарларды/Сыйлық карталарын/Электрондық сыйлық карталарын/Сатушының қызметтерін жүзеге асырады және олардың жеткізілуін қамтамасыз етеді.

1.24 «Сыйлық картасы» – Сатушы бекіткен үлгі бойынша жасалған, сериялық нөмірі мен штрих-коды бар құжат, оны Сатушы Тауарды / Бағасы төмендетілген тауарды / Қызметті төлеу құралы ретінде қабылдайды. Сыйлық карталарының түрлері: үстінде нақты көрсетілген сомаға (1000, 2000, 5000, 10 000, 20 000, 50 000, 100 000, 200 000, 500 000, 1 000 000 теңге) арналған Сыйлық картасы және Сатып алушы өзі белгілеген сомаға арналған Сыйлық картасы. Сыйлық карталарын сатып алу және пайдалану тәртібі Сатушы Сайтта орналастырған, үстінде нақты сома көрсетілген Сыйлық картасын пайдалану қағидаларымен және Сатып алушы белгілеген сомаға арналған Сыйлық картасын пайдалану қағидаларымен реттеледі.

1.25. «Электрондық сыйлық картасы» – дараланбаған, бірегей электрондық кодтан тұратын таңбалар жиыны бар электрондық құжат, оны Сатушы Тауарды / Бағасы төмендетілген тауарды / Қызметті төлеу құралы ретінде қабылдайды. Электрондық сыйлық карталарын сатып алу және пайдалану тәртібі Сатушы Сайтта орналастырған Электрондық сыйлық картасын пайдалану қағидаларымен реттеледі.

1.26. «Бағасы төмендетілген тауар» – жаңа немесе бұрын пайдаланылған, жұмыс істеу қабілетіне әсер етпейтін жеңіл механикалық зақымдары бар (сызаттар, қажалған жерлер, сызылулар) тауар. Мұндай тауар Сатушы белгілеген жеңілдікпен сатылады. Жаңа бағасы төмендетілген тауарға оны Сатып алушыға берген сәттен бастап 12 айлық кепілдік мерзімі беріледі. Бұрын пайдаланылған бағасы төмендетілген тауар қайтарылмайды және айырбасталмайды.

1.27. «ESD Лицензиясы» – бағдарламалық өнімді белсендіруге арналған бірегей кілт (код), ол ESD лицензиясы сатып алынғаннан кейін Сатып алушыға / Алушыға электрондық пошта арқылы жіберіледі. ESD лицензиясын беру қызметі, бағдарламалық өнімді белсендірудің бірегей кілті (коды) Сатып алушыға / Алушыға электрондық пошта арқылы жіберілген сәттен бастап, Сатушы тарапынан көрсетілген қызмет болып есептеледі.

2. Осы Шартты жасасу және оның шарттарын өзгерту тәртібі

2.1. Сатушы Тауарды/ Бағасы төмендетілген тауарды/ Сыйлық картасын/ Электрондық сыйлық картасын Сатып алушыға/ Алушыға меншікке беруге, Қызмет көрсетуге міндеттенеді, ал Сатып алушы/ Алушы Оформленген тапсырысқа сәйкес Тауарды/ Бағасы төмендетілген тауарды/ Сыйлық картасын/ Электрондық сыйлық картасын/ Қызметті қабылдауға және төлеуге міндеттенеді. Бұл ретте осы Шарттың және оның ажырамас бөліктерінің талаптары сақталуы керек.

2.2. Тауардың/ Бағасы төмендетілген тауардың/ Сыйлық картасының/ Электрондық сыйлық картасының/ Қызметтің ерекшеліктеріне, оларды сатып алу тәсіліне және (немесе) Сатушы белгілеген басқа да сату шарттарына байланысты қосымша, өзгертілген, нақтылайтын және басқа да ережелер болуы мүмкін. Олар Сатушының жеке ережелерінде/ бағдарламаларында/ нұсқаулықтарында немесе басқа да құжаттарында көрсетіледі және осы Шарттың ажырамас бөлігі болып табылады.

2.3. Сатушы ұсынатын Тауарлардың/ Бағасы төмендетілген тауарлардың/ Сыйлық карталарының/ Электрондық сыйлық карталарының/ Қызметтердің тізімі, олардың бағасы және сату шарттары Сатушының жеке шешімімен белгіленеді. Бұл ақпарат Сайттағы/Мобильді қосымшадағы Каталогта көрсетіледі немесе Дүкенде орналастырылады және Сатушы оны біржақты тәртіппен өзгертуге құқылы.

2.4. Сатып алушы Сатушының Платформасында Серіктестің Тауарларын/Қызметтерін Серіктес пен Сатып алушы арасындағы шарттың/шарттардың талаптарына сәйкес және солардың негізінде Сатушының қатысуынсыз сатып алады.

2.5. Сатып алушы Сатушының Платформасынан тыс жерде Тауарларды/ Бағасы төмендетілген тауарларды/ Сыйлық карталарын/ Электрондық сыйлық карталарын/ Қызметтерді Серіктес пен Сатып алушы арасындағы шарттың/шарттардың талаптарына сәйкес және солардың негізінде Сатушының қатысуынсыз сатып алады.

3. Осы Шартқа отыру мен оның шарттарын өзгерту тәртібі

3.1. Тауарларды / Бағасы төмендетілген тауарларды / Сыйлық карталарын / Электрондық сыйлық карталарын / Қызметтерді алғанда Сатып алушы мынаны растайды:

3.1.1. құпиялық саясаты, өзге де саясаттар, қосымшалар, ережелер, толықтырулар, өтініштер мен келісімдерді қоса алғанда, бірақ олармен шектелмей, оның құрамдас ажырамас бөліктерінің барлығын қоса алғанда, Шарттың мәтінімен тиісті түрде танысып, олардың мазмұнын дұрыс түсініп, олардың мазмұнын өзгеріссіз, қосып-алусыз толық қабылдайды;

3.1.2. Тауарларды/Қызметтерді төлеу немесе жеткізу кезінде (қай жағдай кейін орын алғанына қарай) Тауарлардың / Бағасы төмендетілген тауарлардың / Сыйлық карталарының / Электрондық сыйлық карталарының / Қызметтердің сипаттамасымен және сипаттамаларымен, бағасы туралы ақпаратпен, жеткізу шарттарымен, сондайақ Сатушы тапсырыс берілген Тауарлардың/Қызметтердің болуына, олардың бағасына және басқа да маңызды шарттарға кепілдік бермейтіндігімен танысып шығады. Сатушы мұндай өзгерістер туралы Сатып алушыны Тапсырыс беру фактісінен кейін Сатушыға қол жетімді кез келген тәсілмен хабарлайды;

3.1.3. Сатушыға қолжетімді және белгілі кез келген байланыс арналары: SMS хабарламалар, электрондық пошта, телеграм-бот, телефон қоңыраулары арқылы өтетін Акциялар және/немесе арнайы ұсыныстар туралы хабарламаларды қоса алғанда, бірақ олармен шектелмей, Сатушыдан да, оның серіктестерінен де, үлестес тұлғалардан да Сайттың, Мобильді қосымшаның, ТБП-ның, дүкендердің жұмысы, сондай-ақ Байланыс орталығының/Оператордың жұмысы туралы пікірлерді жинау үшін жарнамалық хабарламаларды алуға толық және сөзсіз келісімін береді.

3.2. Сатушы біржақты тәртіпте және өз қалауы бойынша осы Шарттың шарттарына және/немесе оның барлық ажырамас бөліктеріне Сайт/Мобильдік қосымшаға қою арқылы өзгертулер енгізу құқығын өзіне қалдырады. Барлық өзгерістер жарияланғаннан кейін бірден күшіне енеді және жарияланған сәттен бастап Сатып алушының назарына жеткізілген болып саналады. Бұл жағдайда Сатып алушы мұндай өзгерістерді дербес бақылауға міндетті.

3.3. Сатушы мен Сатып алушы/Алушы арасындағы қатынастарға осы Шарттың ережелері және Қазақстан Республикасының сауда саласындағы заңнамасы, соның ішінде, осылармен ғана шектелмей, Қазақстан Республикасының Азаматтық кодексі, Қазақстан Республикасы Заңы, ҚР «Тұтынушылардың құқықтарын қорғау туралы», ҚР Кәсіпкерлік кодексі, «Сауда қызметін реттеу туралы» ҚР Заңы нормалары қолданылады.

3.4. Акцияларды өткізген жағдайда сатушы акцияны өткізу кезеңінде тапсырысты рәсімдеу, төлем жасау, тауарды алу және қайтару талаптарын қоса алғанда, бірақ олармен шектелмей, осы Шартта көрсетілмеген жекелеген, арнаулы ережелерді белгілеуі мүмкін. Бұл шарттар да осы Шарттың ажырамас бөлігі болады. Акцияға қатысатын Тауарға/Қызметке Тапсырыс беру және/немесе Акцияға қатысудың басқа шарттарын орындау Сатып алушының тиісті Акция шарттарына келісімін білдіреді.

4. Тапсырыс беру тәртібі

4.1. Қызметтің Сайтта немесе Мобильді қосымшада ұсынылған фотосуреттері және/немесе сипаттамасы тек ақпараттық сипатқа ие және Тауардың / Бағасы төмендетілген тауардың / Сыйлық картасының / Электрондық сыйлық картасының қасиеттері мен сипаттамалары туралы толық ақпаратты, оның ішінде түсін, өлшемін және пішінін толықтай бере алмауы мүмкін. Тауарға / Бағасы төмендетілген тауарға / Сыйлық картасына / Электрондық сыйлық картасына қоса берілген фотосуреттер тек иллюстрация ретінде ұсынылады және олардың нақты сыртқы көрінісінен айырмашылығы болуы мүмкін. Сатып алушының компьютерінің / планшетінің / мобильді телефонының экранының сапасы, баптаулары мен ерекшеліктері ұсынылған Тауардың / Бағасы төмендетілген тауардың / Сыйлық картасының / Электрондық сыйлық картасының түс реңктерін бұрмалауы мүмкін. Тауар / Бағасы төмендетілген тауар / Сыйлық картасы / Электрондық сыйлық картасы Сайтта немесе Мобильді қосымшада ұсынылған бейнесінен түсі, пішіні, өлшемі немесе өзге де параметрлері бойынша ерекшеленуі мүмкін. Тауардың кез келген сипаттамасы мен сипаттамалары Өндіруші тарапынан алдын ала хабарламай өзгертілуі мүмкін.

4.2. Егер Сатып алушыда Тауардың / Бағасы төмендетілген тауардың / Сыйлық картасының / Электрондық сыйлық картасының / Қызметтің қасиеттері мен сипаттамаларына қатысты, сатып алу туралы шешім қабылдау үшін қажет сұрақтар туындаған жағдайда, Тапсырысты рәсімдеуге дейін Сатып алушы Сатушының Байланыс орталығына жүгінуге құқылы. Егер Сатып алушы Тауарды / Бағасы төмендетілген тауарды / Сыйлық картасын / Электрондық сыйлық картасын / Қызметті сатып алу туралы шешім қабылдау үшін қажетті қосымша ақпарат алу мақсатында жүгінбесе, онда Сатып алушы аталған Тауарды / Бағасы төмендетілген тауарды / Сыйлық картаны / Электрондық сыйлық картасын / Қызметті таңдауға байланысты жауапкершілікті толықтай өз мойнына алады.

4.3. Тапсырыс беру осы Шарттың 4-тарауында белгіленген тәртіппен жүзеге асырылады, бұл ретте:

4.3.1. Тапсырысты телефон арқылы, Дүкенде немесе ТБП-де рәсімдеу кезінде Сатып алушы Операторға/Дүкенге/ТБП-ге Тапсырысты рәсімдеу үшін қажет барлық ақпаратты ұсынады

4.3.2. Сайт/Мобильді қосымша арқылы Тапсырысты рәсімдеу кезінде Сатып алушы Тауарға/ Бағасы төмендетілген тауарға/ Сыйлық картасына/ Электрондық сыйлық картасына/ Қызметке электрондық тапсырыс формасын толтырып, оны интернет желісі арқылы жібереді.

4.4. Сайт/Мобильді қосымша арқылы Тапсырысты рәсімдеу келесі ретпен жүзеге асырылады:
- Каталогтан Тауарды/ Бағасы төмендетілген тауарды/ Сыйлық картасын/ Электрондық сыйлық картасын/ Қызметті таңдап, оны «Себетке» қосу.
- «Себеттегі» тауарлардың таңдалған Тауарларға/ Бағасы төмендетілген тауарларға/ Сыйлық карталарына/ Электрондық сыйлық карталарына/ Қызметтерге сәйкес келетінін тексеру. Қажет болған жағдайда Тауарларды/ Бағасы төмендетілген тауарларды/ Сыйлық карталарын/ Электрондық сыйлық карталарын/ Қызметтерді қосу немесе жою, содан кейін «Тапсырысты рәсімдеу» батырмасын басу.
- Тапсырыс формасын толтыру: тегі, аты, телефон нөмірі, электрондық пошта мекенжайы, облыс/қала, сондай-ақ Тауарды/ Бағасы төмендетілген тауарды/ Сыйлық картасын/ Электрондық сыйлық картасын/ Қызметті жеткізу мекенжайын көрсету. Қала атауын ашылмалы тізімнен таңдап, пошталық индекс, көше атауы, үй нөмірі, пәтер нөмірі (қолданылса) енгізу немесе «Өздігінен алып кету» шартын таңдаған жағдайда Дүкенді ашылмалы тізімнен таңдау.
- «Төлем тәсілдері» бөлімінде Тапсырыстың жалпы құнын, оның ішінде жеткізу құнын қарап шығып, 6.4-тармақта көрсетілген төлем тәсілдерінің бірін таңдау, содан кейін «Тапсырысты растау» батырмасын басу. «Тапсырысты растау» батырмасын басу арқылы Сатып алушы осы Шарттың және оның ажырамас бөліктерінің талаптарымен танысқанын, олармен келісетінін және қабылдайтынын растайды. Онлайн төлем кезінде интернет-эквайринг жүйесінің бетінде банктік картаның деректерін енгізу және төлемді жүзеге асыру үшін қажетті әрекеттерді орындау. Бұл ретте: Сатып алушының банктік картасы/шоты туралы деректер тек шифрланған түрде Кредиттік/Төлем ұйымына беріледі және Сатушыда сақталмайды. Кредиттік/Төлем ұйымы интернет-төлемдерді өңдеудің қауіпсіздігіне кепілдік береді. Барлық банктік карталар/шоттар бойынша операциялар халықаралық төлем жүйелерінің талаптарына сәйкес жүзеге асырылады. Төлем бетінде картадан жсалатын онлайн-төлемдердің қауіпсіздік технологиялары қолданылады, деректер Кредиттік/Төлем ұйымының процессинг орталығының қауіпсіз, жоғары технологиялық серверінде өңделеді. Төлем расталғаннан кейін және төлемнің сәтті авторизациясы орындалған жағдайда Сатып алушы Сатушының Тапсырысты қабылдағаны туралы растау және Тапсырыстың нөмірі көрсетілген хабарлама алады. Бұл хабарлама Сатып алушы көрсеткен электрондық пошта мекенжайына немесе телефон нөміріне жіберіледі. Одан әрі Тапсырыс Сатып алушы белгілеген шарттарға және Сатушының мүмкіндіктеріне байланысты автоматты түрде өңделеді.

4.5. Тапсырысты Дүкенде/ТБП-да рәсімдеу Сатушы жеке белгілеген шарттармен және тәртіппен жүзеге асырылады.

4.6. Сатып алушының Тапсырысты әр рәсімдеуі осындай Тапсырыспен анықталған Тауарларды / Бағасы төмендетілген тауарларды / Сыйлық карталарын / Электрондық сыйлық карталарын / Қызметтерді алғанда осы Шартты тәуелсіз жасау ретінде қарастырылады. Сатып алушының Сатушы көрсеткен әрекеттердің кез келгенін жасамауы немесе оларды Сатып алушының Шарт талаптарын бұза отырып жасамауы Сатып алушының Оферта шарттарын қабылдаудан (қабылдаудан) және Шартты жасасудан бас тартуы болып саналады.

4.7. Тапсырыс ресімделгеннен кейін жеткізу мерзімі немесе Тапсырыстың құрамдас бөліктері (соның ішінде қоймада / сатылымда тапсырыс берілген Тауарлардың / Бағасы төмендетілген тауарлардың болмауы немесе Тауардың / Бағасы төмендетілген тауардың / Қызметтің бағасының өзгеруі) өзгерген жағдайда, Сатушы Сатып алушыға Шарт талаптарының өзгергені туралы хабарламаны телефон арқылы немесе Сатып алушы Тапсырысты ресімдеу кезінде көрсеткен электрондық пошта мекенжайына немесе телефон нөміріне хабарлама жіберу арқылы жібереді. Бұл әрекет Тапсырысты толықтай немесе ішінара орындаудың жаңа шарттарына Сатып алушының келісімін алу мақсатында жасалады. Осы жағдайда Сатып алушы жаңа Тапсырыс шарттарымен келісім береді немесе Тапсырысты толықтай не ішінара жояды. Егер Сатып алушы Тапсырысты алдын ала төлеген болса және Тапсырыстан толық немесе ішінара бас тартса, Сатып алушы бас тартқан Тауардың / Бағасы төмендетілген тауардың / Қызметтің құны Тапсырыс төленген тәсілмен қайтарылады. Сатып алушы Тапсырыстың жаңа шарттарына келесі тәсілдердің бірімен келісімін білдіреді: телефон арқылы ауызша растау; электрондық пошта / телекоммуникациялық байланыс арқылы жазбаша хабарлама жіберу; өзгертілген Тапсырыс шарттары бойынша Тауарларды / Бағасы төмендетілген тауарларды / Қызметтерді қабылдау.

4.8. Тапсырыс берілген Тауар / Бағасы төмендетілген тауар / Сыйлық картасы Сатып алушы көрсеткен мекенжай бойынша жеткізіледі және Сатып алушы көрсеткен Алушыға табысталады. Тауарларды / Бағасы төмендетілген тауарларды / Сыйлық карталарды тапсыру тәртібі осы Шарттың 7-бөлімінде көрсетілген.

4.9. Тапсырыс Сатып алушыға / Алушыға Тауардың / Бағасы төмендетілген тауардың / Сыйлық картасының / Электрондық сыйлық картасының нақты тапсырылуымен, сондай-ақ Тапсырыс құрамына кіретін Қызметтер көрсетілген сәттен бастап орындалды деп есептеледі. Бұл ретте Сатып алушыға / Алушыға Тауарларға / Бағасы төмендетілген тауарларға / Сыйлық карталарға / Электрондық сыйлық карталарға / Қызметтерге ілеспе құжаттар тапсырылады, оларды Сатып алушы / Алушы қол қою арқылы растауы тиіс және/немесе Курьерге / Дүкенге / Тарату пунктіне SMS немесе QR-код хабарлау арқылы растау жүзеге асырылады. Сатушы Сатып алушы көрсеткен телефон нөміріне немесе электрондық пошта мекенжайына таңбалар жиынынан тұратын электрондық кодты жіберген сәттен бастап, Электрондық сыйлық картасы Сатушы тарапынан Сатып алушыға тиісті түрде тапсырылған болып есептеледі.

4.10. Тауарға / Бағасы төмендетілген тауарға / Сыйлық карталарға меншік құқығы және онымен байланысты тәуекелдер Сатушыдан Сатып алушыға / Алушыға Тауар / Бағасы төмендетілген тауар / Сыйлық карта Сатып алушыға / Алушыға тапсырылған және Сатып алушы / Алушы ілеспе құжаттарға қол қойған және/немесе Курьерге SMS-код хабарланған сәтте өтеді. Электрондық сыйлық карталар бойынша меншік құқығы және тәуекелдер Сатушы Сатып алушы көрсеткен телефон нөміріне немесе электрондық пошта мекенжайына таңбалар жиынынан тұратын электрондық кодты жіберген сәттен бастап Сатып алушыға тиісті түрде өткен болып есептеледі.

4.11. Тауарға / Бағасы төмендетілген тауарға / Қызметке қатысты кепілдік мерзімі мен шарттары Тауарға / Бағасы төмендетілген тауарға / Қызметке қоса берілетін ілеспе құжаттармен немесе Сайтта / Қосымшада орналастырылған ақпаратпен айқындалады. Кепілдік мерзімі осы Шарттың 4.9-тармағында белгіленген тәртіппен Тапсырысты орындау күнінен бастап есептеледі. Егер кепілдік мерзімі ішінде Тауардың / Бағасы төмендетілген тауардың ақаулары анықталса, Сатып алушы Тауарға / Бағасы төмендетілген тауарға қоса берілген құжаттамада немесе Сайтта / Қосымшада көрсетілген байланыс нөмірлері мен мекенжайлар бойынша Қызмет көрсету орталығына жүгінуі қажет.

5. Тараптардың құқықтары мен міндеттері

5.1. Сатушы міндетті:

5.1.1. Тапсырыс шарттарына сәйкес Сатып алушыға Тауарды / Бағасы төмендетілген тауарларды / Сыйлық карталарын / Электрондық сыйлық карталарын беру / Қызмет көрсету.

5.1.2. Тауардың / Бағасы төмендетілген тауардың сапасының Қазақстан Республикасының аумағында ұқсас тауарларға қолданылатын талаптарға сәйкестігін қамтамасыз етуге.

5.1.3. Сатып алушылардың шағымдары мен өтініштерін қарастырып, Қазақстан Республикасының қолданыстағы заңнамасына сәйкес уақтылы жауап беруге, сондай-ақ шағымның негізділігі расталған жағдайда оны қанағаттандыру шараларын қабылдауға.

5.1.4. Осы Шартта және оның ажырамас бөліктерінде көзделген шарттар мен тәртіпке сәйкес, жеке деректерді, оның ішінде биометриялық деректерді жинауға және өңдеуге.

5.2. Сатушының құқығы бар:

5.2.1. Осы Шартты, Тауардың / Бағасы төмендетілген тауардың / Қызметтердің қасиеттері мен сипаттамаларына қатысты ақпаратты, Тауарлардың / Бағасы төмендетілген тауарлардың / Қызметтердің бағасын, Акциялар шарттарын және ілеспе қызметтер тарифтерін, төлем мен жеткізу тәсілдері мен мерзімдерін біржақты тәртіппен, оларды Сайтта / Мобильді қосымшада орналастырған сәттен бастап өзгертуге.

5.2.2. Осы Шартта, Құпиялық саясатында және олардың ажырамас бөліктерінде көзделген шарттар мен тәртіп бойынша Сатып алушының жеке деректерін жинауға, жүйелеуге, жинақтауға, сақтауға (нақтылауға, жаңартуға, өзгертуге), пайдалануға, үшінші тұлғаларға беруге, иесіздендіруге, бұғаттауға, жоюға және шекарааралық беруге.

5.2.3. Осы Шарттың 9.4-тармағына сәйкес, оның ішінде уәкілетті мемлекеттік органдардың нормативтік-құқықтық актілері негізінде шектеу (карантиндік) шаралары енгізілген жағдайларды қоса алғанда, тосын мән-жайлар туындаған кезде өз міндеттемелерін орындаудан бас тартуға.

5.2.4. Осы Шарттың 10.7 және 10.8-тармақтарына сәйкес әрекет етуге.

5.2.5. Сатып алушымен келіспей-ақ, өз құқықтары мен міндеттемелерін Серіктестерге және/немесе үшінші тұлғаларға беруге, сондай-ақ осы Шарт бойынша өз міндеттемелерін орындау үшін үшінші тұлғаларды тартуға.

5.2.6. Төмендегі жағдайларда Тауарды ішінара қайтаруға бас тартуға: Егер ол Жиынтыққа кіретін болса және Сатып алушы Жиынтықтың толық құрамын қайтарудан бас тартса; Егер ол Акция шеңберінде сатып алынған болса және Сатып алушы қайтарылатын Тауардың сол күнгі толық құнын төлеуден бас тартса; Егер Тауар тиісті сапада және бір Тапсырыс шеңберінде несиеге сатып алынған болса

5.2.7. Бір Тапсырыс шеңберінде сатып алынған және Сатушының жеткізу қызметімен жеткізілген Тауарды / Қызметті ішінара қайтаруға бас тартуға. Мұндай жағдайда қайтару тек Дүкенге жеке жүгіну арқылы жүзеге асырылады.

5.2.8. Несиеге ресімделген Тауарды / Бағасы төмендетілген тауарды / Қызметті сатып алынған сәттен бастап 14 (он төрт) күн өткен соң тек Сервис орталығы (СО) берген акт негізінде қайтаруға қабылдауға.

5.2.9. Телефон арқылы сөйлесулерді жазуға, оларды сақтауға, пайдалануға, үшінші тұлғаларға беруге. Бұл жазбалар, соның ішінде, бірақ шектелмей, Тапсырыстарды орындау сапасын бақылау және Сатып алушыларды / Алушыларды Сатушы өкілдері тарапынан сапалы қызметпен қамтамасыз ету мақсатында жүргізіледі.

5.3. Сатып алушы міндетті:

5.3.1. Тапсырыс ресімдеу кезінде қажетті Тауардың / Бағасы төмендетілген тауардың / Сыйлық картасының / Электрондық сыйлық картасының / Қызметтің атауын, Каталогтағы нөмірін немесе оларды дәл айқындау үшін қажетті барлық деректерді (түсі, нұсқасы және т.б.) көрсетуге.

5.3.2. Сайтта / Мобильді қосымшада және/немесе ілеспе құжаттарда көрсетілген бағалар бойынша Тауарды / Бағасы төмендетілген тауарды / Сыйлық картаны / Электрондық сыйлық картаны / Қызметті төлеуге.

5.3.3. Тапсырысты ресімдеу кезінде өзі туралы сенімді және жеткілікті ақпаратты ұсынуға. Сатып алушы байланыс деректері және/немесе Алушы туралы, және/немесе Тауар / Бағасы төмендетілген тауар / Сыйлық карталар / Электрондық сыйлық карталар / Қызметтер, және/немесе жеткізу/қызмет көрсету орны мен уақыты туралы дұрыс емес ақпарат ұсынған жағдайда, Сатушы Тапсырыстың тиісінше орындалуына жауапты болмайды.

5.3.4. Сатып алушы өзі туралы жалған және/немесе жеткіліксіз ақпарат ұсынғаны, осындай ақпаратты үшінші тұлғаларға бергені, сондай-ақ Жеке кабинетке қол жеткізу мүмкіндігін, Тапсырыстарды рәсімдеу және/немесе олар бойынша төлем жүргізу мүмкіндігін үшінші тұлғаларға, соның ішінде, бірақ олармен шектелмей, кәмелетке толмаған тұлғаларға бергені үшін толық көлемде жеке жауапкершілік көтереді. Осы әрекеттердің барлығы және оларды тудырған әрекеттер Сатушы тарапынан Сатып алушының өзі жасаған әрекеттер ретінде қарастырылады, және олардың салдары үшін Сатып алушы толық жауапты болады.

5.3.5. Тауарды / Бағасы төмендетілген тауарды / Сыйлық картаны Сатушыдан келесі мерзімдерде қабылдауға:
- Тапсырысты растаған күннен бастап 2 (екі) күн ішінде – егер өз бетінше алып кетсе және төлемді алу кезінде жүргізсе. Келмеген жағдайда немесе Тауарды қабылдау үшін қажетті әрекеттер жасалмаса, бұл Шарттан бас тарту және Тапсырысты тоқтату ретінде қарастырылуы мүмкін;
- Тапсырысты растаған күннен бастап 30 (отыз) күн ішінде – егер қолма-қол, қолма-қол емес немесе онлайн төлем жасалса. Осы мерзімде келмеген жағдайда, Сатушы Тауарды беру мен сақтауға кеткен қосымша шығындарды есептеуге құқылы, ал Сатып алушы оларды өтеуге міндетті;
- Сатушы Тапсырысты растаған және Банк несие бойынша Өтінімді мақұлдаған күннен бастап 13 (он үш) күн ішінде Сатып алушының келмеуі немесе Тауарды/ Бағасы төмендетілген тауарды/ Сыйлық картасын қабылдау үшін қажетті басқа да әрекеттерді орындамауы Сатушы тарапынан Сатып алушының Шартты орындаудан бас тартуы және Тапсырысты жоюы ретінде қарастырылуы мүмкін.

5.3.6. Тауарды қайтару немесе айырбастау кезінде оны Сервис орталығына диагностикалауға тапсыру үшін Дүкенге жеткізуге, не Тараптардың келісімі бойынша өндірушінің авторизацияланған сервис орталығының қорытындысын Сатушыға ұсынуға.

5.4. Сатып алушының құқығы:

5.4.1. Сатушы Тапсырыс шарттарын орындай алмаған жағдайда, осы Шарттың 10.6-тармағына сәйкес, алдын ала төлемнің қайтарылуын талап етуге.

5.4.2. Сатушы келісім берген жағдайда, Тапсырыс орындала басталғанға дейін оған өзгерістер енгізуге.

5.4.3. Қазақстан Республикасының заңнамасына, осы Шартқа, оның ажырамас бөліктеріне және Акциялар шарттарына сәйкес Тауарды / Бағасы төмендетілген тауарды / Қызметті айырбастауға немесе қайтаруға. Несиеге немесе Акция шеңберінде сатып алынған жағдайда Тапсырыстың толық көлемі қайтарылуы тиіс, ішінара қайтаруға жол берілмейді.

5.4.4. Тауарды баламалы тауарға айырбастауға, ал егер баламалы тауар болмаса – басқа кез келген тауарға айырбастап, Сатушымен қайта есеп айырысуға.

5.4.5. Өзінің бұзылған құқықтары мен заңды мүдделерін қорғау үшін келесі мекемелерге жүгінуге:
- Уәкілетті орган бекіткен тұтынушылық дауларды сотқа дейін реттеу субъектілеріне;
- Тұтынушылар құқықтарын қорғау жөніндегі уәкілетті органға (https://www.gov.kz/memleket/entities/mti-kzpp/?lang=ru);
- Сатушы мүше болып табылатын өзін-өзі реттейтін ұйымдарға;
- Қазақстан Республикасының заңнамасына сәйкес сот органдарына.

6. Баға мен төлем жасау тәртібі

6.1. Тауардың / Бағасы төмендетілген тауардың / Сыйлық картасының / Электрондық сыйлық картасының / Қызметтің бағасы Каталогта және/немесе Дүкендегі баға белгілерінде көрсетіледі және оған қосылған құн салығы ескерілген, теңгемен белгіленеді. Бұл ретте Тауардың / Бағасы төмендетілген тауардың / Қызметтің бағасы Сайттағы және/немесе Мобильді қосымшадағы және/немесе Дүкендегі Каталогта көрсетілген бағадан ерекшеленуі мүмкін. Егер Сатушы Сатып алушы тапсырыс берген Тауардың / Бағасы төмендетілген тауардың / Сыйлық картасының / Электрондық сыйлық картасының / Қызметтің бағасын қате көрсеткен болса, Сатушы олардың бағасын өзгертуге және бірінші мүмкін болған жағдайда бұл туралы Сатып алушыны хабардар етуге құқылы — Тапсырысты өзгертілген шарттармен растау немесе оны жою мақсатында. Егер қандай да бір себептермен Сатып алушымен байланыс орнату мүмкін болмаса, Тапсырыс жойылды деп есептеледі.

6.2. Жеткізу құны Тауардың / Бағасы төмендетілген тауардың / Сыйлық картасының / Қызметтің бағасына кірмейді. Жеткізу құны Сатып алушы тарапынан Сатушы белгілеген тарифтерге сәйкес төленеді.

6.3. Тауардың / Бағасы төмендетілген тауардың / Қызметтің бағасы мен жеткізу құнын Сатушы біржақты тәртіппен өзгерте алады.

6.4. Тауар / Бағасы төмендетілген тауар / Сыйлық карта / Электрондық сыйлық карта / Қызмет үшін төлем келесі тәсілдердің бірімен жүргізілуі мүмкін:

6.4.1. Дүкенде немесе жеткізу кезінде Курьерге қолма-қол төлем жасау арқылы. Бұл жағдайда Сатып алушыға / Алушыға бақылау-кассалық машинасының чегі және/немесе шот-фактура беру – Тапсырыстың төленгенін растайтын тиісті құжат болып табылады. Сатушының қалауы бойынша чек электрондық түрде — Тапсырысты рәсімдеу кезінде көрсетілген электрондық поштаға немесе SMS арқылы чектің электрондық нұсқасына сілтеме түрінде жіберілуі мүмкін. Бұл жағдайда қағаз түріндегі чек Сатып алушының / Алушының талабы бойынша беріледі;

6.4.2. Тапсырысты алған кезде банктік карта арқылы, соның ішінде, бірақ шектелмей, NFC жүйесі, QR-кодтарды тану, Электрондық POS-терминал арқылы;

6.4.3. Тапсырысты рәсімдегенде on-line төлем жасау арқылы;

6.4.4. Тауарлық несие ресімдеу жолымен;

6.4.5. Заңды тұлғалар мен жеке кәсіпкерлер үшін Сатушының банктік деректемелеріне ақшаны аудару арқылы қолма-қол емес төлем жасау. Сатушы ұсынған шот 3 (үш) банк күні ішінде жарамды. Осы шот бойынша төлем жасау — Шарт талаптарымен келісу ретінде есептеледі. Сатып алушы төлем жасағаны туралы Сатушыны міндетті түрде хабардар етуі тиіс, әйтпесе Тауардың / Бағасы төмендетілген тауардың қоймада болуына кепілдік берілмейді. Тауар / Бағасы төмендетілген тауар / Сыйлық карталар / Электрондық сыйлық карталар Сатушының есепшотына ақша түскеннен кейін, жеке басын куәландыратын құжат және/немесе заңды тұлға атынан ТМЦ (тауарлы-материалдық құндылықтар) алуға арналған сенімхат болған жағдайда беріледі;

6.4.6. Өзге де тәсілдермен.

6.5. Сатушы Сатып алушыға төлем туралы чекті Тапсырысты рәсімдеу кезінде көрсетілген электрондық поштаға немесе SMS арқылы чектің электрондық нұсқасына сілтеме жіберу арқылы электрондық түрде ұсынуға құқылы.

6.6. Сатушы Акцияларды өткізу қағидалары немесе басқа да ішкі құжаттары негізінде жеңілдіктер мен арнайы ұсыныстарды қолдануға және белгілеуге құқылы. Бұл туралы ақпарат Сайтта / Мобильді қосымшада орналастырылады.

6.7. Бонустармен, Сыйлық карталармен, Электрондық сыйлық карталармен төлеу, промокодты немесе өзге де жеңілдіктерді қолдану — Тапсырысты рәсімдеу кезінде, техникалық мүмкіндік болған жағдайда, «Technodom Plus» артықшылық клубының ережелеріне сәйкес жүзеге асырылады (https://www.technodom.kz/cms/technobonusrules сілтемесімен өтіп). Бұл ережеге бағынбайтын тауарлар қатарына несиеге және/немесе Сайт арқылы сатып алынған Тауар / Бағасы төмендетілген тауар / Қызмет жатады. Тапсырыс рәсімделіп болғаннан кейін төлем шарттарын өзгертуге жол берілмейді.

7. Тауарларды / Бағасы төмендетілген тауарларды / Сыйлық карталарын / Электрондық сыйлық карталарын / Қызметтерді тапсыру

7.1. Тауар / Бағасы төмендетілген тауар / Сыйлық карталары Тапсырыстың шарттарына сәйкес өз бетінше алып кету арқылы немесе жеткізу шартымен беріледі.

7.2. Тапсырыс Сатып алушыға немесе Тапсырысты қабылдауға және төлеуге қабілетті Алушыға, сондай-ақ Сатушының немесе оның уәкілетті өкілдерінің талабы бойынша төлем құжатын ұсынуға дайын тұлғаға беріледі. Егер Тауар / Бағасы төмендетілген тауар / Сыйлық карталары / Электрондық сыйлық карталары / Қызмет несиеге сатып алынған болса, олар Сатып алушыға немесе Алушыға бір реттік SMS / QR-кодты Курьерге көрсетіп барып беріледі.

7.3. Тапсырысты жеткізу Сатушының Дүкендері орналасқан елді мекендердің әкімшілік-аумақтық шекаралары шегінде жүзеге асырылады. Осы шекаралардан тыс жеткізу Сатушы белгілеген тарифтер бойынша жүргізіледі.

7.4. Сатушы ресімделген Тапсырысты Сатып алушы Тапсырыста көрсеткен мекенжай бойынша (жеткізу мекенжайы) жеткізеді. Жеткізу тәсілдері мен шамамен алынған жеткізу мерзімі Тапсырысты рәсімдеу кезінде Сатып алушыға хабарланады. Сатушы Тапсырысты берер алдында немесе Қызмет көрсету алдында, өз ережелеріне сәйкес Сатып алушыны сәйкестендіруге және сәйкестендіру сәтсіз өткен жағдайда Тапсырысты беруден бас тартуға құқылы.

7.5. Жеткізу мекенжайына апаратын жол болмаған жағдайда, Тапсырыс Сатып алушыға / Алушыға жеткізілуі мүмкін ең жақын нүктеде табысталады.

7.6. Өз бетінше алып кету кезінде Тапсырысты беру үшін Сатып алушы / Алушы Сатушының немесе оның уәкілетті өкілдерінің талабымен осы Шарттың 4.9-тармағында көрсетілген әрекеттерді орындауға міндетті.

7.7. Егер Тапсырысты Алушы заңды тұлға болса, Тапсырысты алу үшін тиісті түрде ресімделген сенімхат пен өкілдің жеке басын куәландыратын құжат қажет.

7.8. Тауардың / Бағасы төмендетілген тауардың броньдау (резервтеу) мерзімі Сатушының мүмкіндіктері мен ресурстарына қарай өз бетінше белгіленеді. Осы мерзім өткеннен кейін бронь және Тапсырыс жойылады, және Сатушы Тауардың / Бағасы төмендетілген тауардың қоймада / Дүкенде бар болуына кепілдік бермейді, бұл өз кезегінде Тапсырысты өңдеу мерзімінің ұлғаюына әкелуі мүмкін.

7.9. Сатушы Тауарды / Бағасы төмендетілген тауарды келесі шарттармен тегін сақтауды жүзеге асырады:
• Тапсырыс қолма-қол емес есеп айырысу немесе on-line төлем арқылы төленген күннен бастап 30 (отыз) күн ішінде. 31-күннен бастап Сатушы сақтау қызметі үшін ақы есептеуге құқылы, ал Сатып алушы бұл ақыны Сатушыға Сатушы белгілеген мөлшерлемелер бойынша төлеуге міндеттенеді;
• Сатушы Тапсырысты растаған және Банк несиені мақұлдаған күннен бастап 13 (он үш) күн ішінде. 14-күні Тапсырыс жойылады.

7.10. Сервис орталығы (СЦ) актісі алынғаннан кейін немесе жауапты сақтауға қалдырылғаннан кейін Тауарды / Бағасы төмендетілген тауарды тегін сақтау мерзімі 14 (он төрт) күнді құрайды. 15-күннен бастап Сатушы сақтау қызметі үшін ақы есептеуге құқылы, ал Сатып алушы Тауардың / Бағасы төмендетілген тауардың құнынан 0,1 % мөлшерінде күн сайынғы төлемді төлеуге міндеттенеді.

7.11. Егер Сатып алушы Тауарды / Бағасы төмендетілген тауарды Дүкенде қалдырып, оны қабылдап алғаны туралы Актіге қол қоймаған болса, Сатушы аталған Тауар / Бағасы төмендетілген тауар үшін жауапты болмайды.

7.12. ESD лицензиялары Сатып алушыға / Алушыға бағдарламалық өнімді белсендірудің бірегей кілтін (кодын) Сатып алушы / Алушы ESD лицензиясын сатып алу кезінде көрсеткен электрондық пошта мекенжайына жіберу арқылы беріледі. Бағдарламалық өнімді белсендірудің бірегей кілті (коды) Сатып алушының / Алушының электрондық поштасына жіберілген сәттен бастап ESD лицензиясын беру қызметі Сатушы тарапынан көрсетілген болып есептеледі.

8. Тауарды / Бағасы төмендетілген тауарды / Сыйлық карталарын қабылдау

8.1. Тауарды / Бағасы төмендетілген тауарды / Сыйлық карталарды қабылдаған кезде Сатып алушы міндетті:

8.1.1. SMS кодын және/немесе QR кодын Курьер/Дүкен/Тапсырысты беру пунктіне хабарлау;

8.1.2. Қаптаманың сыртында зақым бар-жоғын тексеру.

8.1.3. Қаптаманың бүтіндігіне және оның ашылу және сыртқы зақымдану белгілерінің жоқтығына көз жеткізгеннен кейін тұтынушы қаптамасын ашып, оның ішінде Тауардың бар-жоғын тексеру;

8.1.4. Тауардың / Бағасы төмендетілген тауардың бар екеніне көз жеткізгеннен кейін, онда сыртқы механикалық зақымдардың болмауын тексеру (Бағасы төмендетілген тауар үшін оның құнын төмендетуге себеп болған зақымдарды қоспағанда), алынған Тауардың / Бағасы төмендетілген тауардың артикулын ілеспе құжатта көрсетілген артикуламен салыстыру, сондай-ақ жиынтықталуын, түсін және жұмысқа жарамдылығын тексеру.

8.1.5. Қаптама және Тауарда / Бағасы төмендетілген тауарда (Бағасы төмендетілген тауардың бағасының түсуіне себеп болған зақымдарды қоспағанда) сыртқы зақымдардың болмауы, сондай-ақ артикулдың, жиынтықталудың және түсінің сәйкестігі расталған жағдайда, Тапсырысты алғанын, оның Тапсырыс шарттарына сәйкес келетінін және Сатушыға ешқандай шағымы жоқ екенін растайтын ілеспе құжаттарға қол қою.

8.1.6. Егер қандай да бір шағымдар болса, Курьерден жеткізу қағазында немесе басқа да ілеспе құжатта Тауардың / Бағасы төмендетілген тауардың орамындағы барлық зақымдарды, Тауардың / Бағасы төмендетілген тауардың механикалық зақымдарын (Бағасы төмендетілген тауар үшін оның уценкаға түсуіне себеп болған зақымдарды қоспағанда) және/немесе оның толық емес жиынтықталуын, Тапсырыстың басқа шарттарына сәйкессіздігін көрсетуді талап ету.

9. Тараптардың жауапкершілігі

9.1. Сатушы төмендегілер үшін жауапты емес:

9.1.1. Тауарды/ Бағасы төмендетілген тауарды дұрыс пайдаланбау салдарынан Сатып алушыға келтірілген залал үшін;

9.1.2. Сатып алушы Тапсырысты тексерместен қабылдаған жағдайда. Мұндай жағдайда, егер Тауарда / Бағасы төмендетілген тауарда және/немесе оның орамында сыртқы зақымдар анықталса, Сатып алушы барлық тәуекелдерді өз мойнына алады.

9.1.3. Жеке кабинетке кіру, сондай-ақ Тапсырысты алушы болып табылмайтын үшінші тұлғаларға SMS-кодты және Тапсырысты ресімдеуге және/немесе алуға қажет кез келген өзге де деректерді беру.

9.2. Сатып алушы Тапсырысты ресімдеу кезінде ұсынған ақпараттың шынайылығы мен жеткіліктілігі үшін дербес жауапкершілік алады. Тараптар осы арқылы мынаған келіседі: егер Сатып алушы тарапынан дұрыс емес немесе шындыққа сәйкес келмейтін ақпарат ұсынылса, Сатушы Тапсырыстың уақытылы және тиісті орындалуына, оның ішінде жеткізілуіне кепілдік бермейді, сондай-ақ Сатушы Тапсырысты Сатып алушыға алдын ала ескертпей, біржақты тәртіппен жою құқығына ие.

9.3. Тараптар осы Шарт бойынша өз міндеттемелерін орындауға Қазақстан Республикасының Азаматтық кодексіне, Қазақстан Республикасының «Тұтынушылардың құқықтарын қорғау туралы» Заңына, Қазақстан Республикасының «Сауда қызметін реттеу туралы» Заңына және Сатушы мен Сатып алушы / Алушы арасындағы қатынастарды реттейтін басқа да нормативтік құқықтық актілерге сәйкес жауапты болады.

9.4. Тараптар өз міндеттемелерін толық немесе ішінара орындамағаны үшін жауапкершіліктен босатылады, егер бұл міндеттемелерді орындамау Тараптардың еркінен тыс туындаған мынадай төтенше (форс-мажорлық) жағдайлардың салдары болса: соғыс немесе соғыс әрекеттері, жер сілкінісі, су тасқыны, өрт және басқа да табиғи апаттар, мемлекеттік билік органдарының актілері немесе әрекеттері, кедендік ережелердің өзгеруі, импорт пен экспортқа шектеу қойылуы, шектеу (карантин) шараларының немесе төтенше жағдайдың енгізілуі. Мұндай жағдайлар осы Шарт жасалғаннан кейін туындауы тиіс. Міндеттемесін орындай алмайтын Тарап бұл туралы екінші Тарапты дереу хабардар етуге және уәкілетті органдар берген осындай жағдайлардың бар екенін растайтын құжаттарды ұсынуға міндетті. Бұл ретте шектеу (карантин) шараларының немесе төтенше жағдайдың енгізілуі үшін уәкілетті органдар тарапынан қосымша растау немесе актілердің болуы талап етілмейді.

10. Шағымдарды қарау және дауларды шешу тәртібі

10.1. Сатып алушыдан сұрақтар мен шағымдар туындаған жағдайда, ол Байланыс орталығына немесе кез келген Дүкенге хабарласуға құқылы.

10.2. Тауарлардың / Бағасы төмендетілген тауарлардың / Қызметтердің сапасына қатысты қандай да бір шағым туындаған жағдайда, Сатып алушы оларды «Тұтынушылардың құқықтарын қорғау туралы» Қазақстан Республикасының Заңына сәйкес Тауарға кепілдік мерзімі ішінде қоюға құқылы.

10.3. Тауарды / Бағасы төмендетілген тауарларды өндірушінің кепілдік міндеттемелері қолданылатын жағдайларда оны пайдалану барысында тауардың жұмыс қабілеттілігінің жоғалуына қатысты шағымдар өндіруші зауыттардың авторизацияланған сервис орталықтарының қорытындылары негізінде қаралады. Авторизацияланған сервис орталықтарының мекенжайлары мен телефондары тауарға қоса берілген құжаттамада көрсетілген немесе сайтта көрсетіледі, сондай-ақ байланыс орталығына қоңырау шалу кезінде де білуге болады.

10.4. Сараптама шығындарын (Сатып алушы СО қорытындысымен келіспеген жағдайда) Сатып алушы төлейді. Егер Тауардың ақаулары Сатушының / Дайындаушының кінәсінен туындаса, сараптамаға кеткен шығындарды Сатушы Сатып алушыға өтеп береді.

10.5. Өндірістегі немесе материалдардағы ақаулардан (яғни өндіруші жауапты болатын жағдайларға байланысты) туындаған ақаулар анықталған жағдайда және бұл кемшіліктерді жою мүмкін болмаса, Сатып алушы Тауардың бұзылу себептерін көрсете отырып, СО сертификатын, сондай-ақ Тауардың төленгенін растайтын құжатты ұсынған кезде Тауарды айырбастауға немесе Тауар үшін төленген соманы қайтаруға құқылы болады.

10.6. Тауарды айырбастауға немесе Сатып алушыға ақшаны қайтаруға заңды негіздер болған жағдайда, Тауарды қайтару / айырбастау осы Шарттың 5.4.3-тармағында және оның ажырамас бөліктерінде көрсетілген шектеулерді ескере отырып, Дүкенде Сатушымен келісім бойынша жүзеге асырылады.

10.7. Сатушы қайтарылған сапалы Тауарды қабылдаудан бас тартуға құқылы, егер келесі себептердің бірі болса: егер Тауар осы уақытқа дейін пайдаланылған болса, сыртқы түрі, тұтынушылық қасиеттері, пломбалары, этикеткалары сақталмаса, тауарды сатып алу фактісін растайтын құжат болмаса, қаптамасы болмаған жағдайда, Тауардың сыртқы зақымдануы, Тауардағы таңбалаудың, орамның, Тауарға тіркелген немесе Сайтта орналастырылған құжаттаманың сәйкес келмеуі, сондай-ақ Қазақстан Республикасының заңнамасында көзделген өзге де жағдайларда.

10.8. Сатып алушы сапалы Тауарды айырбастаған немесе қайтарған кезде Сатушы Сатып алушыдан Тауарды айырбастауды немесе қайтаруды ұйымдастыру кезінде Сатушы тартқызған шығындарды өтеуді талап етуге құқылы.

10.9. Тараптар Шарт бойынша міндеттемелерді орындау кезінде туындауы мүмкін даулар мен келіспеушіліктерді Шарт бойынша шешу үшін барлық шараларды қабылдайды.

10.10. Егер Тараптар келісімге келмесе, барлық дау-дамай Қазақстан Республикасының қолданыстағы заңнамасына сәйкес қаралады.

11. Құпиялық пен ақпаратты қорғау

11.1. Сатушы Қазақстан Республикасының жеке деректерді қорғау саласындағы заңнамасының қолданыстағы талаптарының барлығын сақтай отырып, жеке деректер субъектісі ретінде Сатып алушының жеке деректерінің құпиялығын сақтауды қамтамасыз етуге, оның ішінде «Дербес деректер және оларды қорғау туралы» Қазақстан Республикасының 2013 жылғы 21 мамырдағы № 94-V Заңымен, осы Шартпен және оның барлық ажырамас бөліктерімен белгіленген дербес деректер операторының талаптарын, міндеттерін, принциптерін сақтауға міндеттенеді.

11.2. Осы Шартта дербес деректерді өңдеу деп автоматтандыру құралдарын пайдалана отырып немесе мұндай құралдарды пайдаланбай жасалатын, жинауға, жазуға, жүйелеуге, жинақтауға, сақтауға, өзгертуге, толықтыруға, нақтылауға (жаңартуға, өзгертуге), алуға, пайдалануға, таратуға, иесіздендіруге, бұғаттауға, жоюға, сондай-ақ дербес деректерді трансшекаралық беруге бағытталған дербес деректермен жасалатын кез келген іс-әрекет немесе іс-қимылдар жиынтығы түсініледі.

11. 3. Сатып алушыны белгілі бір түрдегі ақпаратпен қамтамасыз ету үшін Сатушы тіркеу кезінде көрсетілген электрондық пошта мекенжайына және/немесе телефонға ақпараттық хабарламаларды, оның ішінде жарнамалық хабарламаларды, оның ішінде бұлардан басқаларын да, шектелмей жіберуге құқылы. Сатушының жария Офертасы бойынша Сатушы Сатып алушы алдындағы міндеттемелерін орындау мақсатында электрондық және SMS сауалнамалар жүргізуге, маркетингтік Акциялардың нәтижелерін бақылауға, тұтынушыларды қолдауға, Сатып алушыларға тауарларды жеткізуді ұйымдастыруға, Сатып алушылар арасында ұтыс ойындарын өткізуге, Сатып алушының Сатушы ұсынатын қызметтердің сапасына қанағаттанатынын бақылауға құқылы. Кез келген уақытта Сатып алушы осылай жолданатын хабарламаларының тақырыбын өзгертуі мүмкін немесе одан бас тартуы мүмкін